Линктер

ЧУКУЛ КАБАР!
26-Июль, 2021 дүйшөмбү, Бишкек убактысы 08:32

Шайлоо 2020: 22 саясий партия талапкерлеринин тизмесин бекитти


19-августта Жогорку Кеңештин депутаттыгына талапкерлердин тизмесин бекитүү мөөнөтү бүттү.

Борбордук шайлоо комиссиясынын (БШК) маалыматына караганда, 20-августка чейин 22 саясий партия жыйын өткөрүп, талапкерлеринин тизмесин түзүп, бекитти.

Шайлоого катышарын билдирип, БШКга 44 саясий партия кайрылган. Алардын ичинен 11 партия шайлоого катышпай турганын Боршайкомго оозеки, ал эми сегиз партия жазуу түрүндө маалымдаган. «Кыргызстан патриоттору» жана «Билим Илим ордосу» партиялары эч кандай маалымат берген эмес.

БШКнын билдиргенине караганда, партиялардын жыйындарында шайлоо мыйзамдарына туура келбеген иш-аракеттер катталган жок. Санитардык коопсуздук талаптары сакталды.

Эми шайлоого катышуучу партиялар 24-августка чейин талапкерлеринин акыркы, бекитилген тизмесин, алар тууралуу толук маалыматтарды, шайлоо күрөөсү төгүлгөнү тууралуу документтерди тапшырууга тийиш. Талапкерлердин тизмеси тууралуу маалыматтар электрондук формат менен катар кагаз жүзүндө да берилет. Маалыматтар «Электрондук талапкер» программасына киргизилет. Мындан тышкары, талапкерлер тууралуу маалыматтарды «Түндүк» бирдиктүү системасы аркылуу текшерүүгө БШКга мүмкүнчүлүк түзүлөт.

Жогорку Кеңештин жетинчи чакырылышына депутаттарды шайлоо 4-октябрга дайындалган. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG