Линктер

ЧУКУЛ КАБАР!
28-Январь, 2021 бейшемби, Бишкек убактысы 14:09

УКМКнын пара талап кылган деп шек саналган кызматкери иштен алынды


Иллюстрациялык сүрөт.

Улуттук коопсуздук боюнча мамлекеттик комитеттин (УКМК) пара талап кылуу боюнча шектүү катары кармалган кызматкери (Н.у.С.) жумуштан бошотулду. Мекеме мындай чечим УКМКнын өздүк коопсуздук кызматы жүргүзгөн ички иликтөөдөн кийин кабыл алынганын билдирди.

Ал 4-сентябрда 1000 доллар пара алып жатканда Экономикалык кылмыштарга каршы күрөш боюнча мамлекеттик кызмат (Финансы полициясы) менен УКМКнын ички коопсуздук башкармалыгынын кызматкерлери кармаганы кабарланган.

Шектүү адам Жазык кодексинин «Пара талап кылуу» беренесинин негизинде Кылмыштар менен жоруктардын бирдиктүү реестрине катталган сотко чейинки териштирүүнүн алкагында колго түшүп, камакка алынган.

УКМК мурдагы кызматкеринин толук аты-жөнүн жана ал кайсы иш боюнча пара талап кылганын жазган жок. Ишти Финансы полициясы иликтеп жатат. Андан тышкары бул фактыны Башкы прокуратуранын, УКМКнын жана Финполициянын жетекчилери көзөмөлгө алганы айтылды.

Кыргызстанда укук коргоо органдарынын өкүлдөрүнүн пара менен кармалган учурлары буга чейин да кездешкен. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG