Линктер

ЧУКУЛ КАБАР!
3-декабрь, 2020 бейшемби, Бишкек убактысы 01:02

«Бишкексууканал» ишканасынын кызматкерлери иш таштады


«Бишкексууканал ишканасынын иш таштаган кызматкерлери. 8-октябрь, 2020-жыл.

«Бишкексууканал» ишканасынын кызматкерлери иш таштады. Алар мекеменин жетекчиси Мурадил Сейдалиевдин кызматтан алынышына каршылык билдирип, иш таштаганын ишкананын кызматкери Мекен Балбаков «Азаттыкка» кабарлады. Анын айтымында ушул тапта «Бишкексууканал» ишканасынын кызматкерлери мекеменин алдында митинг өткөрүп жатышат.

Жумушчулар «жетекчини кызматтан кетүү тууралуу арыз жазууга Бишкектин мэри Азиз Суракматов мажбурлады» деп айтышууда.

Бишкек мэриясынын басма сөз кызматы бул маалыматты четке кагып, иштен кетүү тууралуу арызды Мурадил Сейдалиев өз каалоосу менен жазганын билдирди. Мэриянын басма сөз катчысы Гуля Алмамбетованын «Азаттыкка» билдиргени боюнча, анын арызы мэрдин кароосунда турат.

Мурадил Сейдалиев ишкананы 2015-жылдан бери жетектеп келет. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG