Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 05:25

Бишкекте №6 оорукана кайра ачылды


Бишкектеги жаңы инфекциялык оорукананын курулушу.

Бишкектеги шаардык клиникалык №6 оорукана бейтаптарды кабыл алуу үчүн ачылды. Бул тууралуу Саламаттык сактоо министрлиги билдирди. Аталган оорукана терапиялык, кардиологиялык, неврологиялык оорулууларды кабыл алууда. Эгер вирус күчөп кетсе COVID-19 жуккандарды да кабыл алат. Бишкекте акыркы суткаларда коронавирус жугузгандар көбөйүүдө.

Августтун аягында аталган оорукана оңдоп-түзөө иштери үчүн жабылган. Бирок, акыркы түзүлгөн саясий, экономикалык оор кырдаалдан улам каражат жетишпей калып, ремонт кийинки жылга жылдырылды.

Коронавирус жугузгандар Бишкектеги №1 клиникалык ооруканада, Кыргыз-Түрк достук ооруканасында, Улуттук фтизиатрия борбору менен Улуттук госпиталда кабыл алынууда. Вирус көбөйсө кошумча ооруканалар ачылары күтүлүп жатат.

Азыркы тапта коронавирусту дарылоого ачылган ооруканалардын 41% толгон. 9-октябрга карата вирус 275 кишиден жаңы аныкталып, төрт киши каза болду. Бишкекте оору күчөп турган июль айынын этегинде курулуш иши башталган инфекциялык оорукананын жаңы имараты азырынча курулуп бүтө элек. (BCh)

XS
SM
MD
LG