Линктер

ЧУКУЛ КАБАР!
4-декабрь, 2020 жума, Бишкек убактысы 02:24

ЖККУнун баш катчысы Кыргызстандын өкмөт башчысын куттуктады


Садыр Жапаров.

Жамааттык Коопсуздук жана Кызматташтык Уюмунун (ЖККУ) баш катчысы Станислав Зась Кыргызстандын президентинин милдетин аткаруучу Садыр Жапаровду премьер-министрлик кызматка дайындалышы менен куттуктады.

Куттуктоодо: «Кыргызстандын эл аралык чөйрөдө абройлуу, аймактык саясатта таасирлүү орду бар. ЖККУга кирген өлкөлөр уюмдун алкагында аскердик-саясий кызматташтыкты бекемдөөдө Кыргызстандын салымын жогору баалайт», - деп жазылган.

ЖККУнун баш катчысы өз куттуктоосунда премьер-министр Садыр Жапаровго бекем ден соолук, мамлекеттик ишмердүүлүгүндө ийгилик, Кыргызстандын элине туруктуу өнүгүү каалаган.

4-октябрдагы шайлоонун жыйынтыгына нааразы болгон жарандардын акциясы массалык башаламандыкка айланып, 6-октябрда митингчилер президент жана Жогорку Кеңеш отурган имаратты басып алышкан.

Дээрлик он күнгө созулган митингдерден соң, Кыргызстанда бийлик толугу менен алмашкан. Президент Сооронбай Жээнбеков кызматтан кетип, 4-октябрдагы шайлоонун жыйынтыгы жокко чыгарылды.

6-октябда тарапташтары абактан бошотуп алган экс-депутат Садыр Жапаров 14-октябрь күнү өкмөт башчы, 15-октябрь күнү президенттин милдетин аткаруучу болуп калды. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG