Линктер

ЧУКУЛ КАБАР!
1-Август, 2021 жекшемби, Бишкек убактысы 21:13

«Реформа» партиясы депутаттарды саясий эркин көрсөтүүгө чакырды


«Реформа» партиясы Жогорку Кеңештин депутаттарын эрктүү болууга, жеке максатын көздөп, саясий интригаларга аралашпай эл алдындагы милдетин так аткарууга чакырды.

Партия парламентте айтылып жаткан Конституцияны өзгөртүү тууралуу сунушка байланыштуу 22-октябрда ушундай билдирүү таратты.

«5-октябрда башталган элдик көтөрүлүштө бийликти басып алуу, конституциялык референдум өткөрүү талабы болгон эмес. Азыркы кырдаалдан чыгуунун жалгыз жолу - парламенттик жана президенттик шайлоонун мыйзамдардан аша чаппай өткөрүү», - деп жазылган билдирүүдө.

4-октябрда Кыргызстанда кезектеги парламенттик шайлоо өткөн. Анын баштапкы жыйынтыгы нааразылык акцияларынан кийин жокко чыгарылган. Азыркы парламенттин мөөнөтү аяктап калгандыктан кайра шайлоо, ал эми президент кызматтан кеткендиктен мамлекет башчысын мөөнөтүнөн мурда шайлоо өтүшү зарыл.

БШК жаңы парламенттик шайлоону 20-октябрга белгилеген.

Айрым депутаттар адегенде Конституцияны өзгөртүш үчүн референдум өткөрүү зарыл экенин айтууда. Мындай көз карашын алар азыр Кыргызстанда «эки баштуу» башкаруу болуп турганы, президент эч нерсеге жооп бербегени менен негиздеп жатышат. (SE\RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG