Линктер

ЧУКУЛ КАБАР!
29-ноябрь, 2020 жекшемби, Бишкек убактысы 08:02

Чехияда карантин маалында ресторанга барган министр сынга кабылды


Чехиянын саламаттык сактоо министри Роман Примула.

Чехиянын премьер-министри Андрей Бабиш карантин чараларын бузганы айтылган саламаттык сактоо министри Роман Примулага талап койду. Ал министр өз эрки менен кызматтан кетиши керек экенин, болбосо иштен алынарын эскертти.

«Биздин медициналык кызматкерлер жарандарыбыздын өмүрүн сакташ үчүн жан үрөп жатканда мындай нерсе кечиримсиз», - деди Бабиш.

Мунун алдында Роман Примула карантинге карабай Прагадагы ресторанга барганы тартылган сүрөт жарыяланып кеткен. «Blesk» гезити анда Примула премьер-министр Бабиштин ANO партиясынын жогорку расмий өкүлү менен жолугуп жатканын жазган.

Бул жолугушуудан бир нече саат мурда Примула коронавирусту ооздуктоону көздөгөн жаңы чараларды жарыялаган. Ага ылайык, өлкөдө кыймыл чектелип, дээрлик баардык соода жайлары жабылган. Ресторандар менен барлар ага чейин эле убактылуу ишин токтоткон.

Чехияда 22-октябрда 14 151 миң адамдан коронавирус табылды. COVID-19га чалдыккандардын жалпы саны 223 миңден ашты. Пандемия башталгандан бери жалпысынан 1845 киши илдеттен көз жумду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG