Линктер

ЧУКУЛ КАБАР!
5-декабрь, 2020 ишемби, Бишкек убактысы 06:31

Минскиде нааразылык акциянын катышуучулары кармалды


Минск шаары. 7-ноябрь, 2020-жыл.

Минскиде 1-клиникалык оорукананын жанына чогулган ондогон медицина кызматкерлерин милиция кармап кетти.

7-ноябрь – майрам күнү медицина кызматкерлери тилектештик акциясын өткөрүүнү пландашкан. Бирок медицина кызматкерлери оорукананын имаратынан чыга баштаганда милиция кармап кеткени кабарланды. “Весна” укук коргоо уюмунун билдирүүсүндө, 36 киши кармалды.

Ишембиде салт болуп калгандай эле Беларуста аялдар маршы өтмөк, бирок укук коргоочулар акциянын катышуучулары чогула баштаганда эле милиция кармап кеткенин маалымдашты.

Беларуста 9-августта президенттик шайлоо өткөн жана Борбордук шайлоо комиссиясы Александр Лукашенкону жеңүүчү деп жарыялаган. Оппозиция добуш берүүнүн жыйынтыгын тааныган эмес, ошондон бери өлкөдө нааразылык акциялары токтой элек.

Күч органдарынын ашкере күч колдонуп демонстранттарды кууп таратканы, жарандык активисттер менен оппозиция өкүлдөрүнүн камалганы эл аралык коомчулукта сынга алынган.

Евробиримдиктин бир катар өлкөлөрү, АКШ жана Украина Лукашенкону легитимдүү президент катары тааныган эмес.

Сентябрдын аягында Британия Лукашенко менен анын уулу Викторго жана дагы алты аткаминерге санкция салган. Буга чейин Латвия, Литва менен Эстония Лукашенко баштаган 130 адамды «кара тизмеге» киргизген.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG