Линктер

ЧУКУЛ КАБАР!
20-Январь, 2021 шаршемби, Бишкек убактысы 10:04

Барак Обама жаңы китебинде Владимир Путинди сындады


Кошмо Штаттардын башында 2009-2017-жылдары президент болгон Барак Обаманын Владимир Путин менен алакасы анча жакшы болгон эмес.

АКШнын мурдагы президенти Барак Обама өзүнүн жаңы китебинде Орусиянын лидери Владимир Путинди кескин сынга алып, аны «кылмыш синдикатын» эске салган өкмөттүн жетекчиси деп атаган.

17-ноябрда жарык көргөн «Кут түшкөн жер» («Promised Land») деген китепте Обама Путинди Америкадагы XIX кылымдын аягында, XX кылымдын башында жетектеген коррупционер мэрлерге окшоштурган.

Обама 20 жылдан бери Орусияны президент жана өкмөт башчы катары жетектеп келаткан Путин «балким сестенте турган, бирок эч убакта үлгү боло албаган» мамлекетти курганын айтат.

Американын мурдагы президенти белинен өйдө жылаңачтанып алып, ат үстүндө сүрөткө түшкөн Путинди «анын аракети «Инстаграмга» сүрөтүн жарыялоого кумар болгон өспүрүмдү» эске саларын белгилеген.

Кошмо Штаттардын башында 2009-2017-жылдары турган Обаманын Путин менен алакасы анча жакшы болгон эмес.

Обама бийликке келерден үч ай мурда Москва 2008-жылдын август айында Грузиядагы жаңжалга кийлигишкен.

Путин менен анын администрациясы Обаманын жаңы китебинде айтылгандарга комментарий бере элек.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG