Линктер

ЧУКУЛ КАБАР!
17-Сентябрь, 2021 жума, Бишкек убактысы 22:40

Сыймык Жапыкеев: аралаш башкаруу системасын колдойм


Сыймык Жапыкеев 5-октябрдагы митингдин алып баруучусу болгон.

6-октябрдагы саясий окуялардан кийин Экономикалык кылмыштарга каршы күрөш боюнча мамлекеттик кызматка (Финансы полициясы) жетекчи болуп дайындалган Сыймык Жапыкеев мамлекеттик башкаруу системасында президенттик-парламенттик аралаш башкарууну колдой турганын билдирди. Жапыкеев мындай пикирин 24-ноябрда Жогорку Кеңеште «КООМ press» сайтынын журналистинин суроосуна жооп берип жатып айтты.

«Парламенттикпи, президенттикпи, адилет болсо айырмасы жок. Бирок бизге аралаш болгону жакшы», - деди Жапыкеев.

Президенттикке талапкерлигин коюш үчүн убактылуу кызматын тапшырган премьер-министр Садыр Жапаров 10-январда өтчү президенттик шайлоо менен бирге Кыргызстандын башкаруу системасын тандоо боюнча референдум өткөрүүнү сунуш кылган. Бул тууралуу Жапаров 23-ноябрда «Жетинчи каналдагы» маегинде билдирген.

Жапыкеев 6-октябрда борбордук аянтта өткөн нааразылык акциясынын баштоочуларынын бири болгон. Ал жыйынтыгы жокко чыгарылган 5-октябрдагы парламенттик шайлоого «Чоң Казат» партиясын жетектеп барган. Мурдагы прокуратура кызматкери Кыргызстандагы бир нече саясатчынын атын атап, аларды күмөндүү жолдор менен байыган деп айыптап чыгып таанымал болгон. (TSh)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG