Линктер

ЧУКУЛ КАБАР!
23-Январь, 2021 ишемби, Бишкек убактысы 01:03

Сокулукта алты жашар баланын сабалышы боюнча шектүү киши камалган жок


Сабалган баланын бети жашырылган сүрөтү.

25-ноябрда Сокулук райондук соту алты жашар баланын токмоктолгонуна байланыштуу шек саналып жаткан жарандын бөгөт чарасын карап, аны камакка алган жок. Ага башка жакка кетпөө жөнүндө тилкат жаздырып алды. Бул тууралуу Чүй облустук ички иштер башкармалыгынын басма сөз кызматы маалымдады.

Ошондой эле басма сөз кызматы баланын апасы милицияга тосмо арыз жазбаганын билдирди.

17-ноябрда Сокулук районунун 25 жаштагы тургуну алты жаштагы уулун күйөөсү сабаганы тууралуу арыз менен милицияга кайрылган. Окуя Кылмыштар менен жоруктардын бирдиктүү реестрине Кыргыз Республикасынын Жоруктар жөнүндө кодексинин 75-беренеси («Үй-бүлөдөгү зомбулук») боюнча катталып, чогултулган материал Сокулук райондук милициясына жиберилген. Кылмышка шектүү Сокулук райондук ички иштер бөлүмүнө жеткирилгени, сотко чейинки териштирүү иштери ИИМдин жана Чүй облустук милициясынын жетекчилиги тарабынан көзөмөлгө алынганы кабарланган.

22-ноябрда социалдык тармактарда көзү, бети кан жалаган баланын ооруканада жаткан сүрөтү тараган. Интернет колдонуучулар баланы өгөй атасы урганын, энеси уулун алып качып чыкканын жазышкан.

Сабалган баланын апасынын юристи Шердор Абдыкапаров 23-ноябрда сабалган баланын апасы күйөөсүнө доосу жок экенин, милицияга тосмо арыз жазганын билдирген. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG