Линктер

ЧУКУЛ КАБАР!
1-Август, 2021 жекшемби, Бишкек убактысы 02:04

Иранда антрополог Ахмади сегиз жылга кесилди


Антрополог Камил Ахмади.

Иранда британ жарандыгын алып жүргөн ирандык антрополог Камил Ахмади сегиз жылга кесилди. Бул тууралуу анын адвокаты Амир Раэсян кабарлап, окумуштууга «каршылаш өлкөнүн өкмөтү менен кызматташкан» деген айып коюлганын билдирди. Адвокат сот өкүмүнө каршы доо арыз берерин «Твиттердеги» баракчасына жазды.

Ирандагы жарым-жартылай өкмөттүк «Тасним» агенттиги Ыңкылап соту окумуштууну тогуз жылга кесип, 727 миң доллар айыпка жыкканын жазып чыкты. Учурда Ахмади жазасын өтөй баштаганы боюнча маалымат тактала элек.

Буга чейин окумуштуу «Твиттердеги» баракчасына өткөн жылы да 100 күндүк түрмөгө кесилип, адвокаттын кызматынан пайдалануу мүмкүнчүлүгүнөн ажыраганын жазган эле.

Ал ошондой эле Ирандын бийлигин илимий изилдөөлөрү үчүн куугунтукка алганы үчүн айыптап келген.

Камил Ахмади Ирандагы жашы жете элек өспүрүм кыздардын күйөөгө берилиши жана утурумдук нике сыяктуу маселелер боюнча изилдөөлөрү менен белгилүү.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG