Линктер

ЧУКУЛ КАБАР!
28-Февраль, 2021 жекшемби, Бишкек убактысы 19:47

Дүйнө кубогунда Айпери Медет кызы коло байгеге ээ болду


Айпери Медет кызы.

Кыргызстандык Айпери Медет кызы Кыз-келиндер күрөшү боюнча дүйнө кубогунда коло медалга ээ болду. Биргелешкен Күрөш Дүйнөсү уюмунун расмий сайтындагы маалыматка таянсак, мелдеш ушул күндөрү Сербиянын Белград шаарында өтүп жатат.

Медет кызы 76 килограммга чейинки салмакта коло байге үчүн таймашта орусиялык Екатерина Букина менен күрөшүп, 11:8 эсебинде жеңишке жетти.

Айпери Медет кызы бул мелдеште жалпысынан үч беттешке чыкты. Алгач чейрек финалда болгариялык Мария Оряшкованы 5:1 эсебинде уткан. Жарым финалда германиялык Аллин Роттер Фокенге жеңилген эле. Ушуну менен Белградда өтүп жаткан Дүйнө кубогунда кыз-келиндер күрөшү боюнча улуттук курама команданын эсебине үчүнчү байге жазылды. Буга чейин 62 килограммга чейинки салмакта Айсулуу Тыныбекова жана 68 килограммга чейинки салмакта Мээрим Жуманазарова алтын байгеге ээ болушкан.

12-декабрда башталган күрөш боюнча Дүйнө кубогу 18-декабрда аяктайт. Алгач грек-рим күрөшү боюнча таймаштарда кыргыз балбандары бир алтын, эки коло байгеге ээ болушту. 60 килограммга чейинки салмакта Жоламан Шаршенбеков алтын медал тагынса, Руслан Царев (72 кг) менен Калы Сулаймановго (63 кг) коло медал буюрду. Алдыда эркин күрөш боюнча таймаштарда байге ээлери аныкталат.

XS
SM
MD
LG