Линктер

ЧУКУЛ КАБАР!
26-Январь, 2021 шейшемби, Бишкек убактысы 04:58

Бишкекте абанын булганышына каршы жөө жүрүш болду


Кышкы Бишкек.

18-декабрда баш калаа Бишкекте жаш активисттер абанын булганышына каршы жөө жүрүшкө чыгышты. «Шаарды тазалоого кеч эмес!», «Дем алгым келет!» деген плакаттарды көтөргөн ондогон улан-кыздар Темир жол вокзалынан Ала-Тоо аянтына чейин барышты.

Акцияны уюштуруучулар бийлик менен коомчулуктун назарын шаардагы абанын булганышына бурууга аракет кылып жатканын айтышты.

16-декабрда абанын булганышына байланыштуу маселе Жогорку Кеңеште өкмөт мүчөлөрү менен чогуу талкууланып, бир нече себептери аталган.

Негизги себептердин башында сапатсыз автоунаалардан чыккан уулуу заттар, шаардагы 47 жаңы конуштун көмүр менен жылытылышы жана Жылуулук электр борборунан чыккан түтүн турат.

«World Air Quality» индекси боюнча 18-декабрда Бишкекте абадагы уулуу заттардын өлчөмү 196 деп белгиленип, дүйнөдө биринчи орунга чыкты. Бишкектен кийин Дели, Сараево шаарлары тизмеге кирген. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG