Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 20:07

Уюшкан кылмыштуу топтун беш мүчөсү кармалды


Иллюстрациялык сүрөт.

Улуттук коопсуздук боюнча мамлекеттик комитет Бишкек жана Жалал-Абад шаарларындагы атайын операциядан кийин «Чач» деген каймана аты менен белгилүү Эрнис Мурзахмедовдун уюшкан кылмыштуу тобунун мүчөсү деп шек саналган беш кишини кармады.

Алардын октябрь айында Жалал-Абад облусунун Сузак районундагы атышууга тиешеси бар же жок экени иликтенүүдө.

Кармалгандардын үчөө боюнча Жалал-Абад облустук соту УКМКнын Оштогу убактылуу абак жайына эки айга камоо чечимин чыгарып, экөө Бишкектеги УКМКнын абак жайына жеткирилди.

8-октябрда Сузак районунда уюшкан кылмыштуу топтор арасында атышуу болгону кабарланган. Ал эми Эрнис Мурзахмедовду 20-ноябрда Чүй облусунда УКМК кармаган.

УКМКда жетекчи алмашкандан бери уюшкан кылмыштуу топтун мүчөлөрү кармалууда. Ошто жана Бишкекте криминалдык чөйрөнүн бир катар төбөлдөрү, эл аралык уюшкан кылмыштуу топко мүчө экени айтылган Камчы Көлбаев кармалган. (BCh)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG