Линктер

ЧУКУЛ КАБАР!
20-Сентябрь, 2021 дүйшөмбү, Бишкек убактысы 12:12

2020-жылдын жыйынтыгын чыгарган видеоклипке Кыргызстандагы октябрь окуялары да кирди


Кыргызстандагы нааразылык акциялары. 14-октябрь, 2020-жыл.

Швейцариялык музыка ышкыбозу Си Рунун «2020-жылдын жыйынтыгы» аттуу видеоклибине Кыргызстандагы 5-6-октябрдагы толкундоолор да кирди.

Бул клип «YouTube» порталына жарыялангандан көп узабай 700 миң жолудан ашык көрүлдү. Музыкант ремикс стилиндеги музыканын коштоосунда быйылкы жылдагы маанилүү окуялардын видеолорун тизмектеген.

Төрт мүнөткө жакын убакыттын ичинде январдан декабрга чейинки дүйнөнү дүңгүрөткөн окуяларды көрсө болот.

Алгач Австралия токойлорундагы өрт, Ухандагы коронавирустун башталышы, андан соң карантиндик чаралардын дүйнөдөгү чагылдырылышы берилген. Андан соң Америкадагы «Black Lives Matter» аттуу акцияларга удаа Кыргызстандагы 5-6-октябрда Ала-Тоо аянтында болгон нааразылык акцияларын көрсө болот.

Бейруттагы жарылуу, белгилүү футболчу Марадонанын өлүмү, АКШ президенттигине Жо Байдендин шайланышы сыяктуу маанилүү окуялар да кошулган. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG