Линктер

ЧУКУЛ КАБАР!
5-Март, 2021 жума, Бишкек убактысы 20:18

Жогорку сот: Сотторго негизсиз басым болууда


Гүлбара Калиева.

Жогорку соттун басма сөз кызматы бүгүн, 27-декабрда билдирүү таратты. Анда:

“Бүгүн биз баарыбыз сотторго негизсиз басым жасалып жатканына күбө болуп атабыз. Сот системасында көйгөйлөр бар экенин танбайбыз, аларды оңдоп, соттордун аброюна шек келтиргендерден арылуу иштери жүрүп жатат”, деп жазылган.

Билдирүүдө ошондой эле жакында vb.kg сайтына жарыяланган макала тууралуу да сөз болуп, анда айтылган соттук териштирүүлөргө мыйзам боюнча чечимдер чыгарылганы тууралуу жазылган. Ошондой эле айрым журналисттерди иштин чоо-жайын билбестен, белгилүү бир саясий топтордун же саясатчылардын куралы болбоого чакырган.

“Вечерний Бишкек” басылмасынын сайтына 26-декабрь күнү “Жогорку соттун башчысы Гүлбара Калиеванын биографиясындагы “кара тактар” деген аталышта макала жарык көргөн. Анда Калиеванын күйөөсүнө жана бир тууганына байланыштуу козголгон кылмыш иштери, соттук териштирүүлөр тууралуу сөз болгон.

Улуттук коопсуздук боюнча мамлекеттик комитети (УКМК) 26-декабрда Жогорку соттун жетекчилерине, анын ичинде төрайым Гүлбара Калиевага “Жергиликтүү сот” автоматтык маалымат системасын иштеп чыгуудагы коррупция үчүн кылмыш иши козголгонун маалымдаган. Маалыматта Аскер прокуратурасына, Соттор кеңешинин Тартип комиссиясына Жогорку соттун төрайымы Гүлбара Калиеваны кылмыш жоопкерчилигине тартууга макулдук берүү өтүнүчү жиберилгени, макулдук берилсе, Калиева бул иштин алкагында кылмыш жоопкерчилигине тартылары кабарланган. (ZKo)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG