Линктер

ЧУКУЛ КАБАР!
26-Февраль, 2021 жума, Бишкек убактысы 11:25

Чүйдө жол коопсуздугун тейлеген башкармалыктын кызматкерлери кармалды


Иллюстрациялык сүрөт.

Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы Чүй облусунда Жол кыймыл коопсуздугун камсыздоо башкармалыгынын инспекторлору системалык түрдө пара алган фактыны аныктады. Бул тууралуу УКМКнын басма сөз кызматы билдирди.

Маалыматка караганда, жол коопсуздугун тейлеген башкармалыктын кызматкерлери «Актилек-автожол» көзөмөл-өткөрүү пунктунда документтерди текшерүү шылтоосу менен туруктуу түрдө эл аралык жүк ташуу менен алектенген автоунаалардын айдоочуларынан 500 сомдон 5000 сомго чейин акча алып турушкан. Бул өткөрмө бекеттен күнүгө 100дөн 200гө чейин автоунаалар өтөт.

24-декабрда Ички иштер министрлигинин (ИИМ) Ички иликтөө кызматы менен өткөзүлгөн ыкчам-тергөө иш чараларынын алкагында Чүй милициясынын Жол кыймылынын коопсуздугун камсыздоо башкармалыгынын үч инспектору - «М.Т.М.», «Ш.Р.М.», «А.С.А.» кармалды. Бул коррупциялык схемага тиешеси бар деген шек менен 25-декабрда башкармалыктын жетекчиси, милициянын полковниги «Б.Ш.И.» да колго түшүрүлдү. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG