Линктер

ЧУКУЛ КАБАР!
18-Сентябрь, 2021 ишемби, Бишкек убактысы 19:55

Пандемиядан улам быйыл Кыргызстанда 4 миңден ашуун иш-чара өтпөй калды


Жапониянын Олимпиада комитетинин баш кеңсесинин маңдайында. 2020-жылдын 24-марты.

2020-жылы коронавирус пандемиясынан улам Кыргызстанда төрт миңден ашуун спорттук иш-чаралар өтпөй калган. Бул тууралуу Жаштар, дене тарбия жана спорт агенттигинин жетекчиси Канат Шабданбаев спортчуларды сыйлоо аземинде билдирди. Анын ичинде республикалык, эл аралык чемпионаттар жана мелдештер бар.

Шабданбаев 2021-жыл кыргызстандык спортчулар үчүн ийгиликтүү жыл болушун каалап, спортчулар жетишкен ийгиликтердин артында тоодой эмгеги турган машыктыруучуларды белгиледи:

«Машыктыруучулардын тынымсыз эмгеги жана баа жеткис салымы үчүн терең таазим! Сиздердин чеберчилигиңиздер менен биздин спортчулар Токио Олимпиадасында да көп ийгиликтерге жетишет, биздин өлкөнүн гимни жаңырат деп ишенебиз».

COVID-19 вирусу 2019-жылы декабрда Кытайдын Ухань шаарында алгач катталып, тез эле дүйнө жүзүн каптады. Эл аралык каттамдар чектелип, дүйнөлүк иш-чаралар негизинен онлайн форматка өттү. 2020-жылы август айында Токио шаарында өтө турган жайкы Олимпиада оюндары 2021-жылга жылдырылган. Токио Олимпиадасын бир жылга кечеңдетүүнүн айынан анын уюштуруучулары 2 миллиард АКШ доллары өлчөмүндө кошумча чыгымга кабылганы кабарланды.

30-декабрдагы маалыматтарга ылайык, дүйнөдө СOVID-19 оорусуна 81 миллиондон көп киши чалдыкты, бир миллион 770 миң киши вирустан каза тапты.

Кыргызстанда аталган илдетке чалдыккан үч киши алгачкы жолу 18-мартта катталган. 23-марттан тартып жалпы өлкөдө карантиндик чектөөлөр киргизилген. 30-декабрга карата жалпы ооруга чалдыккандардын саны 80 843 адамга жетти, 75 624 адам сакайды. Илдеттен жалпы 1354 адам көз жумду. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG