Линктер

ЧУКУЛ КАБАР!
17-Сентябрь, 2021 жума, Бишкек убактысы 21:47

Грузияда миллиардер Иванишвили саясаттан кетерин жарыялады


Бидзина Иванишвили.

Грузиядагы бийликчил «Грузин кыялы» партиясынын лидери, миллиардер Бидзина Иванишвили саясаттан кете тургандыгын жарыялады. Грузиянын эң бай адамы 11-январда тараткан билдирүүсүндө «саясаттагы өз миссиясы аткарылганын» белгилеп, саясаттан биротоло кетүүнү чечкенин билдирген.

«Мен партиянын төрагалыгын тапшырып, партиянын катарынан кетүүнү чечтим», деп айтылат билдирүүдө.

Бирок грузин оппозициясынын өкүлдөрү миллиардердин бул билдирүүсүнө ишенбей турушат. Алар муну Иванишвилинин «кезектеги амалы» катар санап, ал өлкөнүн бийлигин көшөгө артында башкарууну улантат деп шектенишүүдө.

Байлыгын «Bloomberg» басылмасы 5,7 миллиард долларга баалаган Бидзина Иванишвили 1990-жылдардын башында Орусияда бизнес кылып байыган. Ал 2012-жылы «Грузин кыялы» партиясын түзүп, ал кездеги президент Михаил Саакашвилиге каршы чыккан. Ошондон бери «Грузин кыялы» өкмөттү түзгөн негизги саясий күч болуп келет.

65 жаштагы Бидзина Иванишвили 2013-жылы партиянын төрагалыгынан кетип, бирок 2018-жылы кайра кайтып келген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG