Линктер

ЧУКУЛ КАБАР!
3-Март, 2021 шаршемби, Бишкек убактысы 02:08

Балбак Түлөбаев жол кирени көтөрүш үчүн убакыт керек экенин билдирди


Балбак Түлөбаев, Бишкек шаарынын мэринин милдетин аткаруучу.

Бишкек шаарынын мэринин милдетин аткаруучу Балбак Түлөбаев маршруттук таксилердин айдоочуларынын жол кирени көбөйтүү боюнча талаптарына жооп берди.

Түлөбаев кайрылуусун 18-январда «Фейсбуктагы» баракчасына жарыялады.

Анда ал айдоочуларды иш таштабоого чакырып, алардын талаптарын чечүүгө жок дегенде бир-эки ай убакыт керек экенин айтты.

«Маршруттук такси айдагандардын көйгөйүн билебиз. Жети жылдан бери тарифти көтөрө элекпиз. Азыр «дароо эле көтөрүп бергиле» деген туура эмес. Анын өзүнүн жол-жобосу бар. Экономика министрлиги менен макулдашуу керек. Биз элдин акыбалына жараша, тарифти көтөрүп берүүгө даярбыз. Маселени майга чейин чечип берүүгө аракет кылабыз. Силердин каттамга чыгууңуздарды өтүнөм. Эгер, чыкпасаңар ал каттамдарга башка маршруттук таксилерди чыгарууга мажбур болом», - деди Балбак Түлөбаев.

Мурдараак мэрия тариф маселесине байланыштуу жумушчу топ түзүлгөнүн маалымдаган.

Буга чейин Бишкектеги маршруттук таксилердин айдоочулары жол кирени 15 сомго чейин жогорулатууну талап кылышкан. Талаптары аткарылбаса иш таштай турганын билдиришкен.

Шаардын жашоочулары бүгүн, 18-январда маршруттук таксилер каттамдарга аз чыкканын кабарлап жатышат. Бул Бишкек шаарынын мектептерине 1,5,9,11-класстардын окуучулары барып окуй баштаган күнгө туура келди. (NT)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG