Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 22:40

Новиков бажы тармагын жакшыртуу боюнча тапшырмалар аткарылбаганын сынга алды


Артем Новиков.

Премьер-министрдин милдетин аткарып жаткан биринчи вице-премьер Артем Новиков 20-январда бажыдагы инфратүзүмдү жакшыртуу боюнча кеңешме өткөрдү. Бул тууралуу өкмөттүн басма сөз кызматы билдирди.

Маалыматка караганда, жыйында Новиков Кыргызстанга Кытайдан келген товарлардын көлөмүн көбөйтүү үчүн берилген тапшырмалар өз убагында аткарылбай калганын сынга алды:

«Бажы тармагындагы тиешелүү инфратүзүмдүн курулушу кечигип жатканы үчүн өзүбүздү актай албайбыз. Бир жарым ай мурда, жүк ташуунун азайып кетишинин себептерин карап чыкканыбызда, инфратүзүмдү өнүктүрүү, дезинфекциялык тосмолорду куруу, товарларды кран менен жүктөө үчүн аянтча түзүү, товарлардын толук эсебин алуу механизмин иштеп чыгуу, анын ичинде бажы-логистикалык аймактарды, аэропортторду өнүктүрүү боюнча тапшырмалар берилген».

Жыйында Мамлекеттик бажы кызматынын төрагасы Кадыржан Семетеев тармактын инфратүзүмүн өнүктүрүү планы даярдалганын айтты. Бажы-логистикалык инфратүзүмдү өнүктүрүү боюнча келишим бекитүү баскычына келгенин, жакын арада атайын долбоорлор ишке киризилерин кошумчалады.

Новиков Мамлекеттик бажы кызматынын төрагасына биринчи этапта «Эркечтам» бекетинен өтө турган жүк ташуучу автоунаалардын санын 30га, «Торугарттыкын» 15ке чейин көбөйтүш үчүн Кытай менен сүйлөшүүнү тездетүүнү тапшырды. Ал 2021-23-жылдарга карата бажы тармагын өнүктүрүү боюнча план иштеп чыгууну сунуш кылды.

Артем Новиков былтыр ноябрь айында өлкөдөгү көзөмөл-өткөрүү пункттарын кыдырган. Андагы «Бирдиктүү пост» системасынын пилоттук долбоору иштебей турганын катуу сындап, жооптуу кызматкерлердин кыйласын кызматтан алган. Айрымдары кызматынан төмөндөтүлгөн. (NT)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG