Линктер

ЧУКУЛ КАБАР!
5-Март, 2021 жума, Бишкек убактысы 20:45

Курсан Асановдун арызы менен Оштогу үч тилкеде добуштар кайра саналат


Курсан Асанов.

Борбордук шайлоо комиссиясы (БШК) Ош шаарындагы № 5319, 5320, 5559 тилкелердеги добуштарды кайра санайт. Мындай чечим БШКнын 20-январдагы жыйынында кабыл алынганын мекеменин басма сөз кызматы билдирди.

Ал тилкелерде добуш берүүдө мыйзам бузулганы тууралуу президенттикке талапкерлигин койгон Курсан Асанов арыз жазган.

БШКнын маалыматына караганда, Асанов өзү үчүн добуш берген кишилердин аты-жөнүн көрсөтүп, бирок алардын саны аталган тилкелердеги добуштарга дал келбей жатканын белгилеген.

Курсан Асанов шайлоонун жыйынтыгына макул эмес экенин билдирген.

10-январда Кыргызстанда мөөнөтүнөн мурда президенттик шайлоо өтүп, 17 талапкердин ичинен Садыр Жапаров дээрлик 80% добуш менен алдыга чыккан. Расмий жыйынтык азырынча чыгарыла элек. Курсан Асанов 0,49% добуш алганы кабарланган.

Айрым добушканаларда катталган жарандар менен үкөктөгү бюллетендердин саны дал келбегендиктен, 19-январда БШК он чакты шайлоо тилкесиндеги жыйынтыктарды жокко чыгарган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG