Линктер

ЧУКУЛ КАБАР!
3-Август, 2021 шейшемби, Бишкек убактысы 18:45

Жети талапкерге шайлоо күрөөсү кайтарылып берилет


2021-жылдын 10-январында өткөн президенттик шайлоо жана башкаруу тартибин аныктаган референдум учуру. Бишкектеги добушканалардын бири.

Кыргызстанда 10-январда өткөн президенттик шайлоого катышкан жети талапкерге шайлоо күрөөсү кайтарылып берилет.

Бул тууралуу Борбордук шайлоо комиссиясынын (БШК) басма сөз кызматы билдирди. Алар - шайлоого келген элдин 1% ашыгынын добушун алган талапкерлер.

БШКнын акыркы жыйынтыгы боюнча, шайлоодо ат салышкан 17 талапкердин ичинен Садыр Жапаров – 79,20%, Адахан Мадумаров – 6,79%, Бабыржан Төлбаев – 2,36%, Мыктыбек Арстанбек – 1,69%, Абдил Сегизбаев - 1,46%, Имамидин Ташов – 1,17%, Клара Сооронкулова – 1,00% добуш алган.

Калган талапкерлер алган добуш 1% жеткен эмес.

Мыйзам боюнча шайлоого келгендердин добуштарынын 1 пайыздан кем эмесин алган талапкерлерге 1 миллион сом шайлоо күрөөсү кайтарып берилүүгө тийиш.

Азыр шайлоого байланыштуу БШКнын депозит эсебинде 18 миллион сом бар. Анын жети миллион сому талапкерлерге кайтарылат. Калганы кайтарылып берилбейт, бюджетке чегерилет.

Кайтарылбай турган каражаттын арасында шайлоого аз күн калганда ага катышуудан баш тарткан Рашид Тагаев төккөн күрөө да бар.

Расмий жыйынтыкка караганда, 10-январда кезексиз президенттик шайлоо менен кошо өткөрүлгөн башкаруу тартибин аныктоо боюнча референдумга катышкан элдин 81% президенттик башкаруу ыкмасын колдоду.

Боршайком расмий жыйынтыкты 20-январда жарыялады. (NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG