Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 00:29

Орусияда Навальныйдын иниси камалды


Олег Навальный.

Орусияда камактагы оппозициялык саясатчы Алексей Навальныйдын бир тууганы Олег Навальный 27-январдагы тинтүүдөн кийин 48 саатка камакка алынды.

Навальный түптөгөн Коррупцияга каршы күрөш фондунун директору Иван Жданов билдиргендей, ал санитардык-эпидемиологиялык эрежелерди бузган деген ишке шек саналууда.

Ушундай эле шек менен 27-январда фонддун юристи Любовь Соболь да кармалып, эки күнгө камакка алынды. Экөөнүн тең бөгөт чарасы 48 саат ичинде аныкталууга тийиш.

Шаршембиде Соболдун жана Алексей Навальныйдын үйлөрүндө тинтүү жүргөн. Саясатчынын иниси тинтүү учурунда анын батиринде болгону, полиция эшикти бузуп киргени кабарланган.

Бул күнү полиция учурда Москвадагы тергөө абагында отурган Алексей Навальныйдын тарапташтары менен жакындарынын үйлөрүндө жалпысынан 15тей тинтүү жүргүзгөн.

Алексей Навальный 17-январда Берлинден Москвага учуп келери менен «Шереметьево» аэропортунда кармалган. Ага карата «Ив Роше» иши боюнча шарттуу жаза камакка алууга алмашканы айтылып, 30 күнгө камакка алынган.

Учурда оппозиционер Москвадагы «Мастросская тишина» аттуу тергөө абагында кармалууда.

23-январда Орусиянын бир нече шаарында Навальныйды абактан бошотууну талап кылган акциялар өткөн. Анын жүрүшүндө 4 миңдей адам кармалганы белгилүү болду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG