Линктер

ЧУКУЛ КАБАР!
4-Март, 2021 бейшемби, Бишкек убактысы 08:27

Өкмөт: турак жайдын 65% өрт коопсуздугунун чараларын сактабай курулууда


Бишкектеги курулуштардын бири. Иллюстрациялык сүрөт.

Кыргызстандын вице-премьер-министринин милдетин аткаруучу Максат Мамытканов өрт коопсуздугун сактоо чаралары боюнча кеңешмеде өлкөдөгү турак жай курулуштарынын 65% ашууну өрт коопсуздугуна байланыштуу эрежелерди сактабай салынып жатканын билдирди. Бул тууралуу өкмөттүн басма сөз кызматы кабарлады.

Мамытканов бул үчүн Экологиялык жана техникалык коопсуздук боюнча мамлекеттик инспекциясынын калкты маалымдоо ишин сынга алды.

“Бардык нускамалар эскирген, аларды эч ким окубайт. Аларды электрондук вариантка өткөрүп, тарткатууда заманбап каражаттарды, анын ичинде уюлдук тиркемелерди пайдалануу зарыл. Адамдар коопсуз үйдү кантип курууну, жалын тутанган кезде өрт өчүрүүчүлөр келгенге чейин кандай аракет кылууну билиши керек”, - деди Мамытканов.

Жыйынга Өзгөчө кырдаалдар министрлиги, Экологиялык жана техникалык коопсуздук мамлекеттик инспекциясы катышты.

Расмий маалыматка ылайык, 2020-жылы 11 ай ичинде республика аймагында 2425 өрт кырсыгы катталган. Тилсиз жоонун чыгымы 4 млрд. 779 млн. 511 миң сомду түзгөн.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG