Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 13:38

ӨКМ: Баткенде эски шахтада өрт чыгып, жүздөгөн мал кырылды


Иллюстрациялык сүрөт.

Баткенде эски шахтада өрт чыгып, жергиликтүү тургундардын жүздөгөн малы кырылды. Өзгөчө кырдаалдар министрлигинин басма сөз кызматы кабарлагандай, окуя 3-февралда Кадамжайдагы сурма комбинатынын аймагындагы иштетилбеген шахтада болгон.

Шахтанын ичин жергиликтүү тургундар мал кармоо үчүн пайдаланып келишкен. Өрттүн кесепетинен 243 кой-эчки өлдү.

Куткаруучулар тосмо орнотуп, кырылган малды тургундардын макулдугу менен шахтанын ичине көмүп кетишти.

Адамдар жабыркаган жок.

Соңку бир күн ичинде Кыргызстандын аймагында 11 өрт кырсыгына 11 куткаруучу бригада тартылды. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG