8-февралдан тартып Бишкек – Москва багыты боюнча «Авиа Траффик Компани» жана «Аэрофлот-орус авиалиниялары» компаниялары жумасына үч жолудан каттайт.
Кыргызстандын Тышкы иштер министрлиги бул алты каттам туруктуу болорун жана кыргызстандыктар Москвага үзгүлтүксүз уча алышарын билдирди.
Бишкек – Москва авиакаттамынын санын көбөйтүү маселеси Кыргызстандын тышкы саясат мекемеси менен Орусиянын өкмөтүнүн сүйлөшүүсүнүн жыйынтыгында чечилди.
Ошондой эле Кыргызстанда коронавируска байланыштуу эпидемиологиялык кырдаал турукташып калгандыгы да себеп болду. (BTo)
