Линктер

ЧУКУЛ КАБАР!
3-Август, 2021 шейшемби, Бишкек убактысы 19:25

Түркиялык журналдын бир саны жазуучу Султан Раевдин чыгармачылыгына арналды


Кыргыз эл жазуучусу Султан Раев түркиялык журналда

Түркияда "Темрин" адабий журналы бир санын кыргызстандык жазуучу Султан Раевге арнады.

Журналдын башкы редактору Шериф Йлмаз кыргыз жазуучусун "Бир гана кыргыз улуттук адабиятынын эмес, азыркы түрк адабиятынын мыкты өкүлү" деп атаган.

Евразия Жазуучулар Союзунун мүчөсү, Түрк кеңешинин башкы катчысынын орун басары, Токтогул атындагы мамлекеттик сыйлыктын лауреаты жана бир катар эл аралык сыйлыктардын ээси Султан Раевдин "Жанжаза", "Топон" романы, "Күн кармаган бала", "Чаң жол" китептери орус, украин, француз, кытай тилине которулган. Ал эми "Кашар", "Оо, кыздар", "Суфлер" спектаклдери менен "Маң", "Ханышанын көз жашы", "Барсбек" "Илек-илек", "Таажы" драмалары жергиликтүү жана чет элдик театрларга коюлган.

Учурда Раевдин чыгармачылыгы боюнча изилдөө иштери жүрүп жатат.

Журнал буга чейин өз сандарын кыргыз адабиятынын классиктери Чыңгыз Айтматов менен Алыкул Осмоновдун чыгармаларына да арнаган.

Султан Раев 1958-жылы 13-июлда Ош облусунун Кара-Суу районундагы Жоош айылында туулган.

1984-жылы Кыргыз мамлекеттик университетинин журналистика факультетин, 1994-жылы АКШнын Канзас университетинин журналистика жана коомдук коммуникация факультетинин стажировкасын бүтүргөн.

1990-жылы “Күн кармаган бала” аттуу повесть жана аңгемелер жыйнагы чыккан.

2004-2005-жылдары “Эркин Европа жана Азаттык” радиосунда эмгектенген. (MJ)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG