Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:34

Дүйнөлүк банк: Кыргызстанда жакырчылык 35% жетиши мүмкүн


Кыргызстанда соңку айларда азык-түлүк баасы кескин кымбаттады. Иллюстрациялык сүрөт.

Дүйнөлүк банктын эсеби боюнча, Кыргызстанда 2020-жылы экономика 8,6% ылдыйлады. Сомдун АКШ долларына карата курсу 19% төмөндөдү.

Бул тууралуу Дүйнөлүк банктын Кыргызстандагы кеңсесинин башчысы Навид Хасан Накви медиа каражаттарынын өкүлдөрү менен жолуккан учурда айтты.

2019-жылы болжол менен калктын 20% жакырчылыктын жеткен чегинде жашаса, 2020-жылы бул көрсөткүч 31% жетти, 2021-жылы дагы 35% болору күтүлүүдө.

Мындай кейиштүү абалды Хасан Накви эки себеп менен түшүндүрдү. Биринчиси - киреше булактарынын жоголушу жана инфляция, экинчиси - 2020-жылы 12% жеткен азык-түлүк баасынын жогорулашы.

Дүйнөлүк банк COVID-19 пандемиясынын кесепеттерин жоюу үчүн Кыргызстанга жардам иретинде 160,15 млн. доллар бөлгөн.

Анын 22,15 миллион доллары медицинага, 138 миллиону - калктын аз камсыздалган жакыр адамдардан турган катмарына жардам катары жана пандемияда жабыр тарткан орто, чакан бизнеске берилген. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG