Линктер

ЧУКУЛ КАБАР!
19-Апрель, 2021 дүйшөмбү, Бишкек убактысы 11:52

Бразилияда коронавирустан каза болгондор көбөйдү


Бразилияда 30-мартта COVID-19 илдетинен каза болгон 3780 учур катталып, соңку мезгилде өлкөнү инфекциянын экинчи толкуну каптаганы жарыяланды. Учурда дүйнөдө күн сайын коронавирустан өлгөндөрдүн ар бир төртүнчүсү аталган латын америкалык өлкөгө туура келүүдө.

Азыркы мезгилде Бразилия COVID-19 илдетинен каза болгондордун саны боюнча дүйнөдө экинчи орунга чыкты. Биринчи орунда мурдагыдай эле АКШ турат. Илдеттин жугуу кооптуулугу жогору болуп, көбүрөк өлүмгө алып келген жана тез арада жайылган түрү Бразилияда аныкталган. Илдеттин тез арада жайылуусу Бразилиянын саламаттыкты сактоо тутумун капсалаңга салды.

Мамлекет башчысы Жаир Болсонару пандемияны ооздуктоо чараларын көрө албай, анын жайылышына жол берди деп сындалып жатат. Анын кесепети өлкөдө саясий кризисти да тереңдете баштаганы белгиленди. Бул күнгө карата Бразилияда калктын болгону 2% гана эмдөөдөн өттү.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG