Линктер

ЧУКУЛ КАБАР!
19-Апрель, 2021 дүйшөмбү, Бишкек убактысы 13:15

Жыштык чуусу: Черногубова жана Жылышбаев мамлекетке 260 миң сомдон төлөмөй болушту


Иллюстрациялык сүрөт.

Кыргызстанда радио жыштык чатагына байланыштуу сот өкүмү чыкты. Бишкектин Биринчи Май райондук сотунун басма сөз кызматы 1-апрелде “Азаттык” радиосуна билдиргендей, 31-марттагы өкүм менен Байланыш боюнча мамлекеттик агенттиктин мурдагы директору Наталья Черногубова жана Маалымат технологиялары жана байланыш агенттигинин жетекчисинин мурдагы орун басары Максат Жылышбаев коррупцияга (Жазык кодексинин 319-беренеси) айыптуу деп табылып, ар бири мамлекетке 260 миң сомдон төлөмөй болушту.

Черногубовага Жазык кодексинин “Кылмышты аткаруучулук” деген 42-беренеси, Жылышбаевге “Кылмышка кошо катышуучулардын түрлөрү” деген 43-беренеси боюнча да айып тагылган.

Улуттук коопсуздук боюнча мамлекеттик комитет (УКМК) 2020-жылдын май айында мамлекеттин карамагындагы 200 МГц жыштык «Скай Мобайл» компаниясына сатылып, мыйзамсыз кайра катталганын айткан жана бул боюнча кылмыш ишин козгогон. Мунун артында ошол кездеги өкмөт башчы Мухаммедкалый Абылгазиев турганы айтылган. Абылгазиев бул билдирүүнү саясатташкан жалаа деп баалаган.

Өкмөт аппаратынын мурдагы башчысы Самат Кылжыев жана бир катар башка жетекчилер да кармалган.

Черногубова жана Кылжыев кийин үй камагына чыгарылган. Алар айыбы жок экенин билдиришкен. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG