Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 09:24

Савай айылынын тургундары чек ара боюнча нааразылык акциясына чыгышты


Акция учуру. Сүрөт "Т-медиа" телеканалынын эфиринен алынды.

Ош облусунун Кара-Суу районундагы Савай айыл аймагынын 50дөн ашуун тургуну 1-апрелде район администрациясынын алдына нааразылык акциясына чыгышты. Алар Савай айыл өкмөтүнүн Ынтымак айылындагы 50 гектар жердин Өзбекстанга берилишине каршылыгын билдиришти.

Чогулгандар коңшу өлкө менен алмаштырылары айтылган 50 гектар жер айылдагылардын жайыт жери экенин айтып, аны бербей турганын белгилешти.

Акцияга чыккандар менен акимдин орун басары Капар Адиев жолугуп, талаптарды жогорку бийлик органдарына кагаз түрүндө жөнөтөрүн айтты.

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 30-мартта Өзгөндө чек ара маселеси боюнча эл менен жолугуп, эки өлкө ортосундагы сүйлөшүүлөрдүн жыйынтыгын айтып берген. Ал Барак анклавы коңшу өлкөнүн карамагына өткөнүн жана андагы тургундарга Кара-Суу районунан жер берилерин маалымдаган.

Райондо чек ара 100 гектар Өзбекстан тарапка жыла турганын, Өзгөн, Сузак райондорунун аймагы да 1000 гектарга кеңейерин кошумчалаган.

Быйыл 24-25-мартта Ташкентте Кыргызстан менен Өзбекстандын ортосундагы мамлекеттик чек араны делимитациялоо жана демаркациялоо боюнча өкмөт аралык комиссиянын жыйыны өтүп, жыйынтыгында протокол кабыл алынган. УКМК башчысы Ташиев кыргыз-өзбек чек ара маселеси 100 пайыз чечилгенин айткан. (MrA)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG