Линктер

ЧУКУЛ КАБАР!
10-Апрель, 2021 ишемби, Бишкек убактысы 18:56

Бороондон улам Бишкек-Ош, Суусамыр-Тараз жолдорунда убактылуу чектөө киргизилди


Төө-Ашуу. 01.04.2021. Сүрөт Өзгөчө кырдаалдар министрлигине тиешелүү.

Бишкек-Ош жолунда тынымсыз кар жаап, бороон болуп жаткандыгына байланыштуу, жол тыгындарын алдын алуу максатында 1-апрелден тартып Токтогул районунун "Арал", Жайыл районунун "Сосновка" бекеттеринде автоунааларга убактылуу чектөө киргизилди. Чектөөлөр Суусамыр-Талас-Тараз жолундагы Талды-Булак айылындагы бекетке да тиешелүү. Бул тууралуу Өзгөчө кырдаал министрлигинен кабарлашты.

Учурда жолго кум себилип, тазалоо иштери жүрүп жатат.

Ушул күндөрү Кыргызстандын бардык аймактарында, анын ичинде Төө-Ашуу, Ала-Бел, Көк-Бел, Өтмөк ашууларында да кар жаап жатат. ӨКМ жарандарга зарылчылык болбосо жолго чыкпай турууну, ал эми тоолуу жолдордо жүргөн айдоочуларга 500 метр арылыкты сактоону эскертүүдө.

Мындан тышкары алыс жолго чыгаарда автоунаанын техникалык абалын текшерип, биринчи медициналык жардам көрсөтүүчү жабдык, чынжыр, күрөк жана башка керектүү жабдыктарын текшерип алууну сунуштаган. (MiK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG