Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 02:08

Корей парламентинин төрагасы Ысык-Көлдөгү туристтик мүмкүнчүлүктөрдү көрөт


Корей улуттук жыйынынын төрагасы Пак Бёнг Сокту Жогорку Кеңештин төрагасынын орун басары Нурбек Сыдыгалиев тосуп алды.

Бүгүн, 3-апрелде Түштүк Кореянын Улуттук жыйынынын төрагасы Пак Бёнг Сок Кыргызстанга расмий иш сапары менен келди. Бул тууралуу Жогорку Кеңештин басма сөз кызматы кабарлады.

Пак Бёнг Сок 3-5-апрель күндөрү Кыргызстанда бир катар жогорку деңгээлдеги жолугушууларды өткөрөт.

Ошондой эле корей делегациясы Ысык-Көл облусуна барып, аймактын туристтик мүмкүнчүлүктөрү менен таанышат.

2019-жылы Түштүк Кореянын ошол кездеги премьер-министри Ли Нак Ён баштаган расмий делегация расмий сапар менен Бишкекке келип кеткен. Анда соода, айыл чарба, саламаттык сактоо, тоо-кен тармагы, туризм, энергетика, транспорт, текстил өнөр жайы, маалыматтык технологиялар чөйрөсүндө кызматташууну талкууланган.

Расмий маалыматка ылайык, Кыргызстанда Түштүк Кореянын миңден ашуун ишканасы бар.

Кыргызстандын Соода-өнөр жай палатасы тараткан маалыматка ылайык, 2018-жылы Кыргызстан менен Түштүк Кореянын ортосундагы соода жүгүртүүнүн көлөмү 30 млн. жакын долларды түзгөн. Андан кийинки жылдардагы экономикалык кызматташтыктын жыйынтыгы тууралуу расмий маалымат таратылган эмес. (MiK)

XS
SM
MD
LG