Линктер

ЧУКУЛ КАБАР!
5-Февраль, 2023-жыл, жекшемби, Бишкек убактысы 03:38

Ошто шайлоо жыйынтыгына нааразы алты партия президентке кайрылды     


Иллюстрациялык сүрөт.

Ош шаардык кеңешине шайлоого катышкан алты партия шайлоонун жүрүшүнө жана жыйынтыгына нааразы болуп, президентке кайрылуу жолдоду.

“Улуттар биримдиги”, “Ишеним”, “Улуу Журт”, “Республика”, “Бир Бол” жана “Бүтүн Кыргызстан” саясий партиялары "шайлоо ыплас өттү" деп эсептешет.

Алар Ош шаардык мэриясы мыйзам бузууга барды деп мэр Таалайбек Сарыбашевдин жоопкерчилигин карап чыгууну талап кылышууда.

11-апрелде өткөн жергиликтүү кеңештерге шайлоодо Ош шаардык кеңешине тогуз партия ат салышкан. Шайлоонун баштапкы жыйынтыгы менен төрт партия 7% чектен ашты.

"Ата-Журт Кыргызстан" 48,8%, "Улуттар Биримдиги" 18,0%, "Ыйман Нуру" 8,1%, "Ынтымак" 7.5% добуш алды. Мыйзамга ылайык, бул партиялар босого чектен өттү жана мандаттар ушулардын арасында бөлүштүрүлөт.

Бирок жеңишке жеткен "Улуттар Биримдиги" партиясы жана 7% босого чекке жетпей калган "Республика", "Бүтүн Кыргызстан", "Ишеним", "Улуу Журт" жана "Бир Бол" партиялары добуш берүүнүн жыйынтыгын жокко чыгарууну талап кылып, шайлоонун жыйынтыгын тааныбай турганын жарыялашкан.

Ош шаардык кеңешиндеги 45 мандат үчүн тогуз партиядан 702 талапкер катталган. (MiK)

XS
SM
MD
LG