Линктер

ЧУКУЛ КАБАР!
21-Май, 2022 ишемби, Бишкек убактысы 19:01

Эл аралык уюмдар Кыргызстанга вакцина үчүн сегиз муздаткыч берет


Эмдөө алганы ооруканага барган жарандар, Бишкек шаары

Глобалдык эмдөө жана иммунизация альянсы, Бириккен улуттар уюмунун балдарды коргоо программасы (ЮНИСЕФ) Кыргызстанга вакциналарды ташуу үчүн сегиз авторефрижератор берет.

Машинеде ташууга ыңгайлашкан муздаткычтар Саламаттыкты сактоо жана социалдык өнүктүрүү министрлигине 26-апрелде тапшырылат.

Кыргызстанда коронавируска каршы эмдөө март айында Кытайдын "Sinopharm" вакцинасы менен башталган. 22-апрелде өлкөгө Орусиянын "Спутник V" вакцинасынын 20 миң дозасы келип, Бишкек, Чүй облусундагы 65 жаштан улуу, өнөкөт оорусу барлар эмделүүдө.

Премьер-министр Улукбек Марипов 23-апрелде калкты жапырт эмдөөгө чакырып, май айында "AstraZeneca" вакцинасы келерин билдирген.

Республикалык иммунопрофилактикалык борбордун жетекчиси Гүлбара Ишенапысова "Азаттыкка" аймактарга коронавирустун вакцинасын алып баруу атайын муздаткычтар келгенден кийин башталарын айткан.

25-апрелге карата 16 миңге чукул кыргызстандык COVID-19га каршы эмдөөдөн өттү. (BCh)

Facebook шеринеси

XS
SM
MD
LG