"Эл аралык коомчулук Баткенге көңүл бурсун"

Германияда жана Британияда жашаган кыргызстандыктар бул мамлекеттердеги Тажикстандын дипломатиялык өкүлчүлүктөрүнүн алдына акцияга чыгышты. Алар эл аралык коомчулуктан кыргыз-тажик чек арасында болгон куралдуу жаңжалга калыс баа берип, жабыр тарткан карапайым элдин тагдырына көңүл бурууга чакырышты. Үч күнгө созулган куралдуу кармаштарда эки тараптан кырктан ашуун адамдын өмүрү кыйылып, 200гө чукул киши жараат алды.