Линктер

ЧУКУЛ КАБАР!
29-Июль, 2021 бейшемби, Бишкек убактысы 17:53

Былтыр 5 миңден ашуун бала асыроого берилди


Иллюстрация.

Кыргызстанда 2020-жылы 1900 бала ата-энесинин багуусуз калган. Анын ичинен 674 бала томолой жетим. Бул тууралуу Улуттук статистика комитетинин маалыматында айтылат.

2020-жылдын аягында ата-энесинен башка үй-бүлөнүн багуусунда 13 900 бала болгон, анын ичинен 5400 бала томолой жетим. 8300 бала туугандарынын же жакындарынын багуусунда болсо, 5600 бала асыроого берилген.

2020-жылдын ичинде ата-энеси багуудан баш тарткан 18 жашка чейинки курактагы 1900 бала жана өспүрүм табылган, анын ичинен 674ү - томолой жетим.

2020-жылы 1 263 бала камкордуккка жана башкалардын багуусунда үй-бүлөлөрдүн тарбиялануусуна алынган, алардын ичинен 643 баланы - кыргыз үй-бүлөсү, жети баланы – чет өлкөлүк жарандар багып алган.

Ата-энесинен бөлөк үй-бүлөдө багылып жаткан эркек балдар көбүрөөк.

2020-жылы балдар үйлөрүндө жана жетим балдар үчүн мектеп-интернаттарда ата-энесинин кароосу жок калган 2 миңге жакын жетим бала жашаган. (МТа)

Facebook шеринеси

XS
SM
MD
LG