Гаагадагы аскердик трибунал мурдагы Югославиянын атайын кызматынын экс-жетекчилери Йовица Станишич жана Франко Симатовичти 12 жылга кести. Мындай чечимди эл аралык сот 30-июнда кабыл алды.
Югославиянын президенти Слободан Милошевичтин колунда иштеген 70 жаштагы Станишич жана 71 жаштагы Симатович 90-жылдардагы Балкан согушундагы аскердик кылмыштарга айыпталган.
Прокурорлор алар жетектеген атайын кызмат 1992-1995-жылдары куралданган топторду түзүп, бир катар кылмыштарды жасаганы боюнча далилдерди таап чыгышкан.
Мурдагы аскер жетекчилери алгач акталып, кийин БУУнун Гаагадагы аскер трибуналы ишти кайра кароону милдеттендирген болчу.