Линктер

ЧУКУЛ КАБАР!
31-Июль, 2021 ишемби, Бишкек убактысы 13:54

Орусияда зордуктоого айыпталган министр бошотулду


Иллюстрациялык сүрөт

Сот Пенза облусунун мурдагы саламаттык сактоо министри, зордуктоого айыпталып соттолгон Владимир Стрючковду шарттуу түрдө мөөнөтүнөн мурда бошотту. Ал үч жыл үч айга эркинен ажыратылган болчу.

Стрючков камакта бир жылдай отуруп, алты ай мурун жатак абагына которулган.

Владимир Стрючков түзөтүү мекемесинде өзүн үлгүлүү алып жүрүп, эмгекке абийирдүүлүк менен мамиле кылып, коомдук жана тарбиялык иштерге активдүү катышканы үчүн мөөнөтүнөн мурда бошотулганы көрсөтүлгөн.

Бул аткаминерге каршы кылмыш иши 2019-жылы козголгон.

Тергөө аныктагандай, Стрючков мас абалында мурдагы балдар лагеринин аймагында оорукананын 27 жаштагы кызматкерине ыдык көрсөтүп, анан зордуктаганы аныкталган.

Владимир Стрючков 2012-жылдан бери Пенза облусунун саламаттык сактоо министри болуп иштеп келген.

Facebook шеринеси

XS
SM
MD
LG