Улуттук коопсуздук боюнча мамлекеттик комитет (УКМК) Бишкек шаарынан курал-жарак жана ок-дары катылган жерди тапты. Бул тууралуу атайын кызматтан кабарлашты.
Маалыматка караганда, жашырылган жерден бир даана Ф-1 жарылуучу зат, 7,62 мм калибрдеги ок-дарылар жана ПМ маркасындагы номерлери өчүрүлгөн тапанча алынды.
Алдын ала маалымат боюнча, алынган курал жана ок-дарылар кылмыштуу топторго таандык болушу мүмкүн.
Ушу тапта курал-жарак катылган жерди уюштурган адамдарды аныктоо боюнча иш-чаралар жүргүзүлүп жатат. (BTo)
Facebook шеринеси