Линктер

ЧУКУЛ КАБАР!
27-Сентябрь, 2022 шейшемби, Бишкек убактысы 02:10

Октябрь окуяларынын катышуучулары Үмүтбекти эскеришти


Активисттер Үмүтбектин сүрөтүн 2010-жылдагы бийлик алмашууда курман болгон кишилердин тизмесинин катарына илип коюшкан.

2020-жылдын октябрында жараат алгандар жана активисттер 5-октябрда Бишкекте чогулушту. Отуздан ашуун адам бир жыл мурдагы нааразылыктар учурунда көз жумган Үмүтбек Алтынбек уулун эскерип, куран окушту.

Эскерүүнү жабыркагандардан түзүлгөн "Кыргыз Үмүтү" уюму уюштурду. Уюмдун төрагасы Сыргак Сакыбаев "Азаттыкка" чогулгандардын талабын айтты.

"Биздин талап - бул люстрация. Бир жыл ичинде эч кандай өзгөрүү болгон жок. Канчалаган балдарыбыз мунжу болуп, энелердин көз жашы акты. Мамлекеттен жардам болболду. Биз ал күнү адилетсиздикке каршы чыккан элек".

Аталган уюмдун 170 мүчөсү бар.

Саламаттык сактоо министрлиги октябрь окуяларында 1247 адам жараат алганын билдирген. Бирөө каза таап, 287си ооруканага жаткырылган, калганы үйдөн дарыланган. Расмий маалыматка ылайык, жарадар болгондордун баары дары-дармек менен камсыз болуп, эскпертиза дайындалган. Майып болуп калгандарга ай сайын социалдык жөлөкпул чегерилген.

2020-жылдын 4-октябрында Кыргызстанда кезектеги парламенттик шайлоо болгон. Бул жараян ыплас өткөнүн айткан саясий партиялардын мүчөлөрү жана жарандык коом эртеси күнү Бишкекте нааразылыкка чыккан. Милиция менен кагылышууда жүздөгөн адам жараат алып, Үмүтбек аттуу 19 жаштагы улан кулак тундуруучу жардыргыч жарылганда катуу жараат алып көз жумган.

Бийлик Үмүтбектин үй-бүлөсүнө Бишкектен батир берүүнү убада кылган. Дээрлик бир жыл бою убада аткарылган жок. Президенттик аппарат буга мэриянын айрым кызматкерлеринин жоопкерчиликсиз мамилеси себеп болгонун айтып, батир жакынкы арада берилерин билдирген.

Facebook шеринеси

XS
SM
MD
LG