Линктер

ЧУКУЛ КАБАР!
1-Декабрь, 2022 бейшемби, Бишкек убактысы 05:34

Бишкекте жөө күлүктөрдүн, Жалал-Абадда велосипедчендердин марафону өттү


Жалал-Абаддагы эковеломарафон.

10-октябрда Бишкекте жөө күлүктөрдүн марафонуна үч миң адам катышты. "Мол Булак – Күз деми" деп аталган марафон борбор калаанын "Аска-Таш" мемориалдык комплексинен "Манас" аба майданына барчу жолдо өттү. Катышуучулар 5 километрден 42 километрге чейин чуркашты.

Иш-чараны "Тонус" фонду уюштурду. Аталган уюм чуркоо марафонун буга чейин да бир канча жолу өткөргөн. Негизги демөөрчүсү - "Мол Булак" насыя компаниясы.

Ушул күнү Жалал-Абад шаарында "Эковеломарафон" да өттү. Жүздөн ашуун адам катышкан иш-чараны Жалал-Абад шаарынын мэриясы, “Youth of Osh”, “Дестинация - Жалал-Абад” коомдук бирикмелери уюштурду.

Негизги максаты - абанын булганышы кѳйгѳйүнѳ коомчулуктун кѳңүлүн буруу, экологиялык транспорт жана дени сак жашоо образын жайылтуу.

Уюштуруучулар велосипедди башка унаа каражаттарына альтернатива катары колдонуу шаардагы абанын булганышын азайтууга мүмкүнчүлүк түзѳөрүн белгилешүүдө. (SE\TB)

Facebook шеринеси

XS
SM
MD
LG