Линктер

ЧУКУЛ КАБАР!
3-Декабрь, 2021 жума, Бишкек убактысы 02:05

Украина менен Орусияда COVID-19дан өлгөндөр жогорку чекке жетти


Донецкинин четиндеги коронавируска чалдыккандарды дарылаган бейтапкана. 5-май, 2021-жыл.

Украина менен Орусияда COVID-19 илдетинен көз жумгандардын бир күндүк көрсөткүчү эң жогорку чекти көрсөтүп жатат. Украинанын Саламаттыкты сактоо министрлиги 19-октябрда билдиргендей, акыркы бир сутка ичинде өлкөдө вирустан 538 бейтап көз жумду.

Пандемия башталгандан бери Украинада бир күн ичинде COVID-19дан өлгөндөрдүн саны мынчалык жогору болгон эмес. Натыйжада өлкөдө коронавирустун расмий ырасталган курмандыктары 61 миң кишиден ашты.

Расмий маалыматка ылайык, Орусияда акыркы 24 саатта дагы 1015 киши COVID-19дан көз жумду. Пандемия башталгандан бери Орусияда кеминде 225 миң киши өпкөнү сезгентүүчү бул илдеттен кайтыш болду. COVID-19дун курмандыктарынын саны боюнча Орусия дүйнөдө АКШ, Бразилия жана Индиядан кийинки төртүнчү орунда турат.

Соңку бир канча айдан бери биринчи жолу Чехияда жана Болгарияда да коронавирусту жугузуп алгандардын саны өсүп жатат. Адистер вирустун тез жайылуучу "Дельта" варианты чөлкөмдөгү өлкөлөрдү тынчсыздандырып турганын айтып жатышат. Мындан улам аларды коронавируска каршы эмдөө жараянын тездетүүгө чакырышууда.

Facebook шеринеси

XS
SM
MD
LG