Кыргыз Республикасынын президенти Садыр Жапаров “Кыргыз Республикасынын администрациясынын Кырдаалдык борбору жөнүндө” жарлыкка кол койгону 26-октярбда президенттин сайтында жарыяланды.
Маалыматта айтылгандай, борбор президенттин жана Министрлер кабинетинин ишин аналитикалык маалыматтар менен камсыз кылып, башкаруучулук түзүмдөрдү санариптештирүүгө багытталган.
Президенттик башкарууга толугу менен өткөн Кыргызстанда буга чейин дагы башкаруу органдарынын түзүмдөрүнө бир катар өзгөртүүлөр киргизилген эле. Мурдагы президент жана өкмөт аппаратынын ордуна президенттик администрация түзүлгөн. Бул органдын курамындагы мурдагы тармактык бөлүмдөрдүн саны азайып, анын ордуна төрт иш башкармалык түзүлгөнү жана алардын жетекчилери дайындалганы өткөн аптада жарыяланган. (JsA)
Facebook шеринеси