Өрт кыйган өмүрлөр

Кыргызстанда жыл башынан бери 2800дөн ашуун өрт кырсыгы катталып, 30дан ашуун кишинин өмүрүн алды. Быйыл 11 айда катталган кырсыктар 2020-жылга салыштырмалуу 12% көп. Өрт көп учурда электр жабдууларын колдонуудагы этиятсыздыктан келип чыгарын адистер белгилеп жатышат. Өрттүн алдын алуу жана өчүрүү боюнча эл аралык техникалык комитеттин (CTIF) маалыматына ылайык, Кыргызстанда абал өтө деле жакшы эмес. Соңку төрт жылдагы изилдөөгө караганда, тилсиз жоодо каза болгондор боюнча 55 өлкөнүн ичинен 13-орунда турат.