Авдеевкада коммуналдык кызматтын жумушчулары эвакуация болууда
Бул тууралуу шаар мэри Виталий Барабаш жазды. Ал кырдаалды өткөн жылы Донецк облусундагы Марьинкадагы абалга салыштырды. Анда орусиялык армия бул шаарды толугу менен талкалаган. Барабаш Авдеевка тууралуу "орусиялыктар биздин жерге өз ракетасы менен ай пейзажын тартуула, күндөн күнгө коркунучтуу болуп баратат" деп жазды.
Авдееваканын мэри элди шаардан чыгып кетүүгө чакырып "орусиялык ракеталар жана снаряддар кандай гана көз карашты карманбасын эч кимди аябай турганын эскертти". Согуш башталганга чейин Украинанын Авдеевка шаарында 31 миңдей калк жашачу.
НАТО Путиндин өзөктүк курал тууралуу риторикасын кооптуу жана жоопкерчиликсиз деп атады
Бул тууралуу Reuters агенттигинин жекшемби күнү жарык көргөн макаласында айтылат. Түндүк атлантикалык блоктогу аты белгисиз ишенимдүү булакка шилтеме берилген макалада, НАТО Путиндин Беларуска ядролук курал жайгаштыруу жөнүндө билдирүүсүн кооптуу деп эсептей турганы айтылат.
Басылманын булагынан айтымында, НАТО Орусия "СНВ-III" аттуу стратегиялык чабуулду чектөө жана токтотуу чаралары тууралуу келишимден чыгып кетүү менен өз милдеттерин эрте токтоткону белгиленген.
Мамдепартаменттин өкүлү Ведант Пател 26-мартта АКШ Украинага каршы өзөктүк курал колдоно турганынын белгилерин көрбөй турганын айткан. Вашингтон өзүнүн өзөктүк күчтөрүн жогорку даярдыкта кармоону зарыл деп эсептебейт.
Венгрия ТИМи: Будапешт ок атышууну токтотууну жана тынчтык сүйлөшүүлөрүн жактайт, бирок Орусиянын Украинанын басып алган аймактарына көзөмөл кылууну колдобойт
Бул тууралуу Associated Press маалымат агенттигине Венгриянын тышкы иштер министри Петер Сийярто билдирди.
"Согушту токтотуу жана сүйлөшүү столуна отуруу кво-статусун кабыл алууну билдирбейт. Аскердик аракеттер токтогондо жана тынчтык сүйлөшүүлөрү башталганда чек ара фронттун азыркы чегинде болууга тийиш эмес. Биз муну өзүбүздүн тарыхыбыздан улам билебиз. Азыр окту токтотуу керек" ,- деди Сийярто.
Будапешт согушту токтотууну жана тынчтык сүйлөшүүлөрүн баштоону Орусия Украинага кол салгандан бери айтып келет. Ушул жылдын 23-февралында өткөн БУУнун жыйынында Венгриянын ТИМи АКШ президенти менен орус президенти Владимир Путинди сүйлөшүүгө чакырган. Украинанын Тышкы иштер министрлиги анда Украинанын катышуусуз согушту токтотуу тууралуу бир дагы сүйлөшүү болбошу керектигин билдирген.
Орусиянын президенти Владимир Путин Москва коңшу Беларустун аймагына өзөктүк тактикалык курал жайгаштырууну Минск менен макулдашканын, бул массалык кыргын салчу куралды жайылтпоо тууралуу эл аралык келишимди бузбай турганын айтты. Орусиянын мындай опурталдуу билдирүүсүнөн кийин Украина БУУнун Коопсуздук кеңешинин чукул жыйынын чакырууну талап кылды. НАТО кырдаалга кылдат көз салып турганын жарыялады.
