Украинанын президенти Владимир Зеленский 12-августта минадан тазалай турган дагы көп жабдык керек экенин билдирди.
Ал буга чейин Азербайжан убада кылган жардам топтомунда минадан тазалоочу машина да бар экенин айтты.
Украинанын Херсон облусунда Орусиянын аткылоосунан алты киши набыт болду.
Жергиликтүү бийликтин 13-августтагы маалыматына караганда, Широкая Балка айылында төрт адам, анын ичинде бир айлык ымыркайы бар жубайлар каза таап, 12 жаштагы бала өтө оор абалда ооруканага түшкөн.
Станислав айылында аткылоо маалында эки адам каза болуп, дагы бирөө жараат алган.
Орусиянын Коргоо министрлиги кыйроодо экипаждын эки мүчөсү тең набыт болгонун маалымдады. Маалыматта учак техникалык мүчүлүштүктөн улам кыйрашы ыктымалдыгы да жазылган.
Учак кулаардан мурун абада жарылганын уккан адамдар бар экенин "112" Телеграм каналы жазды.
Су-30 — истребителин Орусия Украинадагы согушта такай колдонуп келген. Кол салуу башталгандан бери согуш талааларында 11 истребителинен ажыраганын Oryx мониторинг долбоору жазды. 2023-жылдын башында орус армиясына 118 даана Су-30 учагы болгону ачык булактарда жазылган.