АКШ элчилиги жарандарын Украинадан чыгып кетүүгө үндөгөн билдирүү таратты. Ал эми кете албагандарды эл көп чогулган жерлерге, массалык иш-чараларга барбоого чакырып, алар "Орусиянын аскердик бутасы болуп калышы ыктымалдыгын" эскертти. Бул АКШ элчилигинин акыркы үч айдан берки алгачкы билдирүүсү.
Европа Биримдиги Украинанын Винница шаарындагы жарандык объектилерге жасалган Орусиянын ракеталык соккуларын “өтө катуу мүнөздө” айыптайт. Бул тууралуу уюмдун тышкы иштер боюнча комиссары Жозеп Боррелдин жана кризистик иштер боюнча комиссары Януш Ленарчичтин билдирүүсүндө айтылды.
Орусиянын Башкы прокуратурасы эл аралык иликтөөчү Bellingcat жана The Insider долбоорлорунун ишмердүүлүгү орус жергесинде жагымсыз деп тапты. Бул тууралуу мекеменин сайтына жарыяланды.
Зеленский Орусияны эртерээк “террорчу-мамлекет” деп таанууга чакырды